Mizoram dung leh vanga zirlai duhtakte leh nu leh pate u,
Zirlaite Ni ah hian duhsakna ka hlan che u a, Mizoram sawrkar aiawhin chibai ka buk a che u.
Mizo Zirlai Pawl (MZP) hmalakna leh thahnemngaihna
avangin Mizoram Sawrkar chuan nikum atang khan October 27 hi kum tina
hman turin Zirlaite Ni atan a lo puang a. He ni hi Inrinni emaw,
Pathianni emaw a nih chuan a hma Zirtawpni a hman thin tura ruahman a
ni a; primary school atanga higher secondary school thlenga a hrang
theuha hman thin tura ruahman a ni nghe nghe a ni. He ni hi chawlh
(holiday) a ni lo a; zirlaiten an tangkaipui theih ngei tur programme
siam a hman thin tur a ni.
Mizote hi a hnam pum ang pawha lehkhazir uar kan ni a; India ramah pawh ziak leh chhiar thiam tam lam, za zela chhuta pahnihna dinhmunah kan ding ta hial reng a ni. Chuvangin, India rama kan hmingthatna thlentu pawimawh takte chu kan zirlai naupangte hi an ni.
Pathian thu chuan, "Naupang chu a kalna awm kawngah zirtir ula, a upat hun pawhin a thlah lovang," a ti a. Vawiina Zirlaite Ni kan lo thlen hian he thu hi zirtirtute, nu leh pate pawhin kan fanau enkawlna kawnga kan changvawnah hmang thei ila a tha hle ang. Chutiang bawk chuan Pathian thu chuan, "I nu leh i pa chawimawi rawh; chutichuan i tan a tha ang a, Leiah hian i damrei bawk ang" min ti a ni. Zirlaiten he thu hi a taka kan nunpui a tul a; nu leh paten harsa tak chungin school leh college-ah lehkha min zirtir a, an chunga kan lawmthu kan sawi let ve theihna awm chhun chu tha taka lehkha kan zir a, anmahni chawimawitu kan nih hi a ni. Hei hi malsawmna hnar chu a ni a, leia damreina pawh a ni bawk a ni.
Zirlaite Ni hi Mizoram-in awmze neia kan hman theihna turin mipuite pawhin zirna lama kan ram pum, kan khua leh kan Veng theuha kan dinhmun kan bengvar a tul a. Kan fate hian eng ang zirtirna nge an dawn tih hre turin an school kalna te, an lehkha zir dan te kan ngaihvenpui a tul khawp mai. A biktakin Aizawl khawpuiah phei chuan Sawrkar school bakah private school kan tih maite a tam em em a ni. Zirlaite leh mipuite pawhin kan hriatreng tur chu kan fate zirna school-ah hian - sawi ve tur te, tih ve tur te - kan nei a ni tih hi a ni. Kan fate hi sum leh hun sengin, an dam chhung daih tur finna paw chhuak turin school kan kaltir theuh a. Nimahsela school thenkhat, kan rualawhna phuhruk phak hauh lo, sumdawnna ang hiala zirna hmang pawh a awm theih a. Chutiang school te a lo awm hlauh chuan mipuite pawhin kan thikthu kan tihchhiat ve a tul a ni. Kan fate hian kan chhungkaw phak tawk theuhah zirna tha an dawn hi kan chanvo a ni tih i hre thar leh ang u.
Tun laiah school naupangte dikna leh chanvote pawhin sawi a hlawh ve ta hle a; hei hi thil lawmawmah ngai ila. School naupang - rilru leh taksa pawh la puitlinglote hi an dam chhunga taksa leh rilrua ser nei khawpa zirtirtuten kan hrem a nih chuan pawi nasa tak kan khawih tihna a ni. Chuvangin, hemi kawngah hian fimkhur zawkin kal ila, dimdawi thiam zawkin kan zirlaite hi i enkawl ang u. Mi thenkhat chuan zirlaite hi an mizia a inang lova, a then te hi chu hrem ngai an awm a ni, an ti. Hemi chungchanga uar taka ka sawi duh chu zirlaiten an zirtirtute thu an awih leh zawm duh chhan chu hlauh vang ni loin rilru thuk tak atanga an zahna, an "respect" vang ni ngei rawh se, hetianga zahna hi zirtirtu thiamna leh thatna in a phur chhuak tur a ni. School naupang te tak te te ten school bag rit lutuk an ak thin em tih te, school kal hreh khawpin homework an nei rip thin em tih te pawh Zirlaite Ni ah hian ngaihtuah tel a tha hle ang.
A tawp berah chuan zirlaite hian tum mumal tak neia lehkha kan zir a pawimawh tih hi Zirlaite Ni-ah hian ka sawi nawn duh a ni. Middle school kal rual chin chuan tum mumal tak neia lehkha kan zir a pawimawh hle mai. Khawvel thiamna lo sang zelah hian thiamna peng hrang hrang zir tur pawh a lo pun belh zel a. Chuvang chuan tuna kan lehkhazir dan tluang pangngai piah lamah hian kan chang kan tihzau ve a hun tawh tak meuh a ni. Mizoram thalaite zingah BA te, MA te kan tam em em a, a lawmawm a ni. Nimahsela mithiam filawr tak kan nih loh chuan eizawnna tha hmuh a harsa deuh fo thin. Chuvangin, HSLC kan pass hnu hi chuan eizawnna tha zawk zawngin kan zirna kan her rem thiam a tul tawh a ni.
Zoram nghahfak zirlaite hian kan tum, kan 'aim' pawh dahsan a tul hle. Kum 1966 atang 1990 vel thleng kha chuan kumtinin competitive exam-ah IAS tling Mizo pahnih pathum an lang ziah thin. Hnamdang mi thenkhat chuan "There is only one factory in Mizoram : that is IAS factory" tiin an sawi thin an ti a, vawiinah hian kan IAS factory hi khawiah nge a bo tak? Competition ah Mizo ten kan vanglai kan pel ta em ni dawn le? Kan IAS hmasa te kha Matric 2nd Division-a pass te an ni fur.
Vawiinah chuan thangthar zirna nei tha zawk, Matric Distinction-a pass thahnem tak kumtin kan nei ziah, mahse, competition a kan dinhmun chu a tla hniam hle si a ni. Tuna IAS leh kan Central Service Officer-te hian pension hun an la nei ngei dawn a, an thachhangdawl tur hi kan awmlo mai ang a, Zoram Sorkar Department tinte hi hnamdang officer ten an la awp fai deuh vek ang tih te pawh a hlauhawm ta a ni. Hei hi Mizo zirlaite tan chona pawimawh tak ni in ka hria.
Zirlaiten an lehkha zir lai bakah eizawnna tling tur themthiamna an zir theihna remchang (Vocational Education) hi Mizoram sawrkar pawhin a ngaipawimawh a. Tunah hian Class XI-XII zirlai 745 zet chuan School 16-ah vocational course an zir tel mek nghe nghe a; school 7 dangah hawn belh thuai a ni bawk ang. Hetiang vocational course hnuaiah hian - Computer thiamna te, Automobile Engineering Technology te, Computer chhe siam te, Puan thui leh design siam te, MLT te, Horticulture te, Sericulture te bakah Office Secretaryship te zirtir an ni. Naupang lehzualte chuan anmahni kalna awm kawng an la thlang thiam hauh lovang. Chuvangin zirtirtute leh nu leh pate hian kan fate chemkalna zawng kan hriatchhuah thuai a, chumi kawngah chuan kan khalh ding a pawimawh ta em em a ni.
Zirlaite Ni hi a kum hnihna chauh a la ni a; zirlaite leh zirtirtute bakah mipuiten he Ni hi hlawk lehzuala kan hman chhoh zel dan tur kan ngaihtuah tlan a tul a. Engpawh ni se, he Ni duhawm tak hian kan zirlaite rilruah thathona te, tumruhna te, ngaihtuahna tharte rawn chhem alh se, chu mei alh chu keimahni mai bakah kan ram leh hnam tiengtu lo ni mawlh rawh se tih hi zirlaite hnena ka thuchah a ni.
Zirlai zawng zawngte duhsakna chibai ka hlan nawn leh a che u.
Mizote hi a hnam pum ang pawha lehkhazir uar kan ni a; India ramah pawh ziak leh chhiar thiam tam lam, za zela chhuta pahnihna dinhmunah kan ding ta hial reng a ni. Chuvangin, India rama kan hmingthatna thlentu pawimawh takte chu kan zirlai naupangte hi an ni.
Pathian thu chuan, "Naupang chu a kalna awm kawngah zirtir ula, a upat hun pawhin a thlah lovang," a ti a. Vawiina Zirlaite Ni kan lo thlen hian he thu hi zirtirtute, nu leh pate pawhin kan fanau enkawlna kawnga kan changvawnah hmang thei ila a tha hle ang. Chutiang bawk chuan Pathian thu chuan, "I nu leh i pa chawimawi rawh; chutichuan i tan a tha ang a, Leiah hian i damrei bawk ang" min ti a ni. Zirlaiten he thu hi a taka kan nunpui a tul a; nu leh paten harsa tak chungin school leh college-ah lehkha min zirtir a, an chunga kan lawmthu kan sawi let ve theihna awm chhun chu tha taka lehkha kan zir a, anmahni chawimawitu kan nih hi a ni. Hei hi malsawmna hnar chu a ni a, leia damreina pawh a ni bawk a ni.
Zirlaite Ni hi Mizoram-in awmze neia kan hman theihna turin mipuite pawhin zirna lama kan ram pum, kan khua leh kan Veng theuha kan dinhmun kan bengvar a tul a. Kan fate hian eng ang zirtirna nge an dawn tih hre turin an school kalna te, an lehkha zir dan te kan ngaihvenpui a tul khawp mai. A biktakin Aizawl khawpuiah phei chuan Sawrkar school bakah private school kan tih maite a tam em em a ni. Zirlaite leh mipuite pawhin kan hriatreng tur chu kan fate zirna school-ah hian - sawi ve tur te, tih ve tur te - kan nei a ni tih hi a ni. Kan fate hi sum leh hun sengin, an dam chhung daih tur finna paw chhuak turin school kan kaltir theuh a. Nimahsela school thenkhat, kan rualawhna phuhruk phak hauh lo, sumdawnna ang hiala zirna hmang pawh a awm theih a. Chutiang school te a lo awm hlauh chuan mipuite pawhin kan thikthu kan tihchhiat ve a tul a ni. Kan fate hian kan chhungkaw phak tawk theuhah zirna tha an dawn hi kan chanvo a ni tih i hre thar leh ang u.
Tun laiah school naupangte dikna leh chanvote pawhin sawi a hlawh ve ta hle a; hei hi thil lawmawmah ngai ila. School naupang - rilru leh taksa pawh la puitlinglote hi an dam chhunga taksa leh rilrua ser nei khawpa zirtirtuten kan hrem a nih chuan pawi nasa tak kan khawih tihna a ni. Chuvangin, hemi kawngah hian fimkhur zawkin kal ila, dimdawi thiam zawkin kan zirlaite hi i enkawl ang u. Mi thenkhat chuan zirlaite hi an mizia a inang lova, a then te hi chu hrem ngai an awm a ni, an ti. Hemi chungchanga uar taka ka sawi duh chu zirlaiten an zirtirtute thu an awih leh zawm duh chhan chu hlauh vang ni loin rilru thuk tak atanga an zahna, an "respect" vang ni ngei rawh se, hetianga zahna hi zirtirtu thiamna leh thatna in a phur chhuak tur a ni. School naupang te tak te te ten school bag rit lutuk an ak thin em tih te, school kal hreh khawpin homework an nei rip thin em tih te pawh Zirlaite Ni ah hian ngaihtuah tel a tha hle ang.
A tawp berah chuan zirlaite hian tum mumal tak neia lehkha kan zir a pawimawh tih hi Zirlaite Ni-ah hian ka sawi nawn duh a ni. Middle school kal rual chin chuan tum mumal tak neia lehkha kan zir a pawimawh hle mai. Khawvel thiamna lo sang zelah hian thiamna peng hrang hrang zir tur pawh a lo pun belh zel a. Chuvang chuan tuna kan lehkhazir dan tluang pangngai piah lamah hian kan chang kan tihzau ve a hun tawh tak meuh a ni. Mizoram thalaite zingah BA te, MA te kan tam em em a, a lawmawm a ni. Nimahsela mithiam filawr tak kan nih loh chuan eizawnna tha hmuh a harsa deuh fo thin. Chuvangin, HSLC kan pass hnu hi chuan eizawnna tha zawk zawngin kan zirna kan her rem thiam a tul tawh a ni.
Zoram nghahfak zirlaite hian kan tum, kan 'aim' pawh dahsan a tul hle. Kum 1966 atang 1990 vel thleng kha chuan kumtinin competitive exam-ah IAS tling Mizo pahnih pathum an lang ziah thin. Hnamdang mi thenkhat chuan "There is only one factory in Mizoram : that is IAS factory" tiin an sawi thin an ti a, vawiinah hian kan IAS factory hi khawiah nge a bo tak? Competition ah Mizo ten kan vanglai kan pel ta em ni dawn le? Kan IAS hmasa te kha Matric 2nd Division-a pass te an ni fur.
Vawiinah chuan thangthar zirna nei tha zawk, Matric Distinction-a pass thahnem tak kumtin kan nei ziah, mahse, competition a kan dinhmun chu a tla hniam hle si a ni. Tuna IAS leh kan Central Service Officer-te hian pension hun an la nei ngei dawn a, an thachhangdawl tur hi kan awmlo mai ang a, Zoram Sorkar Department tinte hi hnamdang officer ten an la awp fai deuh vek ang tih te pawh a hlauhawm ta a ni. Hei hi Mizo zirlaite tan chona pawimawh tak ni in ka hria.
Zirlaiten an lehkha zir lai bakah eizawnna tling tur themthiamna an zir theihna remchang (Vocational Education) hi Mizoram sawrkar pawhin a ngaipawimawh a. Tunah hian Class XI-XII zirlai 745 zet chuan School 16-ah vocational course an zir tel mek nghe nghe a; school 7 dangah hawn belh thuai a ni bawk ang. Hetiang vocational course hnuaiah hian - Computer thiamna te, Automobile Engineering Technology te, Computer chhe siam te, Puan thui leh design siam te, MLT te, Horticulture te, Sericulture te bakah Office Secretaryship te zirtir an ni. Naupang lehzualte chuan anmahni kalna awm kawng an la thlang thiam hauh lovang. Chuvangin zirtirtute leh nu leh pate hian kan fate chemkalna zawng kan hriatchhuah thuai a, chumi kawngah chuan kan khalh ding a pawimawh ta em em a ni.
Zirlaite Ni hi a kum hnihna chauh a la ni a; zirlaite leh zirtirtute bakah mipuiten he Ni hi hlawk lehzuala kan hman chhoh zel dan tur kan ngaihtuah tlan a tul a. Engpawh ni se, he Ni duhawm tak hian kan zirlaite rilruah thathona te, tumruhna te, ngaihtuahna tharte rawn chhem alh se, chu mei alh chu keimahni mai bakah kan ram leh hnam tiengtu lo ni mawlh rawh se tih hi zirlaite hnena ka thuchah a ni.
Zirlai zawng zawngte duhsakna chibai ka hlan nawn leh a che u.
Attachment
- Loading attachment...
