Kumtina hman thin Dr S. Radha Krishnan Piancham denchhen a hman thin Zirtirtute Ni vawi 53-na chu, Teachers Day Celebration Committee, Saiha District, Saiha in alo ruahman tawh angin, Saiha khawpui chhung School hrang hrangah an mahni remchan dan ang theuhvin ropui leh urhsun takin vawiin khan hman a ni. Tukin zing khan Local Cable TV-ah te Pu S. Zaluaia, Headmaster Rtd. leh National Teachers Awardee chuan “Teachers Quality” tih thupui hmangin thuchah a sawi bawk.

Prime Minister Pu Narendra Modi an “Teachers’ Day” puala School naupangte hnena chawhnu dar 2:20 pm - 4:45 pm inkarah T.V. kaltlanga thuchah a sawi chu School hrang hrang te chuan mahni School theuh-ah an en a ni.

He Ni hmanna-ah hian Saiha khawpui chhung School hrang hrang a naupangte chuan an Zirtirtute zahna leh duhsakna lantir nan Pangpar leh thilpek chi hrang hrangte an hlan a, School thenkhat te chuan Khualian sawmin School tam takah zirlaite chuan programme mumal tak siamin zirlaite fuihna thu tha tak tak zirtirtuten an sawi a, Lemchan, Zai leh Lamte zirlai ten an entir bakah hnamlam chi hrang hrang te an entir bawk.