Vawiin chawhnu khan THP Hall Mission Vengthlangah 'Zirtirtute Ni' (Teacher's Day) pualin Village Education Committee Mission Vengthlang chuan an veng chhunga zirna In hrang hranga zirtirtute tan inkhawm a buatsaih a, Education Minister Pu Lalsawtan khuallian niin a hmanpui.
Pu Lalsawta chuan Zirtirtute chu ram leh hnam tana mi tha leh mi tangkai tak tak chher chhuaktu an nih avangin mawhphurna sang tak an nei a ni a ti. Minister chuan Education Reforms Commission in Mizoram-ah zirna kalphung siam that nan rawtna an siam te chu August ni 3 a Cabinet thukhawm chuan avaia an pawm vek thu a sawi. Pu Lalsawta chuan rawtna thenkhat te chu tihhlawhtlin theih nghal a nih laiin; thenkhat te chu tun maia tihpuitlin nghal theih anih lo thu sawiin Commission rawtna te kalpui leh hlenchhuah anih theih nan Sawrkarin Committee a din h tawh thu sawiin, tunhnai a Sawrkar in Pawl 4 leh Pawl 7 Board Exam ti tawp tura thuchhuah a siam pawh chu Education Reforms Commission rawtna a ni a ti.
Pu Lalsawta chuan zirna hi ram leh hnam din chhuahna a ni tiin zirtirtute chu naupang thiam theilo pawh naupang thiam theia an chhuah thei nan an zirtir dan te chu ennawn turin a chah a.
Zirtirna in ti nuam tu chu building tha leh thil dang ni lovin naupangte leh zirtirtute inkara inlaichinna tha neih a ni a ti. Kumin atangin Pawl 1, Pawl 2 Pawl 3 Pawl 5 leh Pawl 6 Exam ah Common Questions leh Work Schedule te kalpui ngei anih theih nan hma lak mek a nih thu Minister chuan a sawi bawk a ni. Pu Lalsawta chuan zirtirtu hna thawk tha tam tak an awm laiin, thil dik lo ti an awm a nih chuan Sawrkar-in a dim dawn lo a ti bawk.
He inkhawm ah hian Village Education Committee Mission Vengthlang hruaitute bakah Pu Lalthakima, Deputy Director, School Education Department, Pu Lalhmachhuana SDEO Aizawl (West) leh veng chhung zirna In hrang hranga zirtirtu sawmnga chuang an tel a ni.
Pu Lalsawta chuan zirna hi ram leh hnam din chhuahna a ni tiin zirtirtute chu naupang thiam theilo pawh naupang thiam theia an chhuah thei nan an zirtir dan te chu ennawn turin a chah a.
Zirtirna in ti nuam tu chu building tha leh thil dang ni lovin naupangte leh zirtirtute inkara inlaichinna tha neih a ni a ti. Kumin atangin Pawl 1, Pawl 2 Pawl 3 Pawl 5 leh Pawl 6 Exam ah Common Questions leh Work Schedule te kalpui ngei anih theih nan hma lak mek a nih thu Minister chuan a sawi bawk a ni. Pu Lalsawta chuan zirtirtu hna thawk tha tam tak an awm laiin, thil dik lo ti an awm a nih chuan Sawrkar-in a dim dawn lo a ti bawk.
He inkhawm ah hian Village Education Committee Mission Vengthlang hruaitute bakah Pu Lalthakima, Deputy Director, School Education Department, Pu Lalhmachhuana SDEO Aizawl (West) leh veng chhung zirna In hrang hranga zirtirtu sawmnga chuang an tel a ni.
