Vawiin chawhnu khan Health & Family Welfare Minister Pu Lalrinliana Sailo office chamber ah State Committee on Red Ribbon Choir Competition thutkhawm hmasa ber neih a ni a, Committee Chairman Pu Lalrinliana Sailo kaihhruaina hnuaiah zaipawl intihsiakna neih dan tur atana ruahmanna chi hrang hrangte ngaihtuaha sawiho a ni.
MSACS leh Doordarshan Kendra Aizawl tangkawpin Mizorama AIDS darhzau zel tur dona atana an buatsaih Mizoram pum huap kohhran zaipawl intihsiakna hi kohhran hrang hrang a bial zaipawlte inelna tur a ruahman a ni a, November thla chhunga intihsiakna hi buatsaih a, December ni 1 "World AIDS Day" a final round leh result puanna neih tura ruahman niin, lawmman pawh tha tawk tak siam tum a ni bawk.
Vawiina Committee thukhawm hian member 16 awmna Working Committee a din a, he committee hian an Chairman Pu C.Lalrosanga Director, DDK hovin zaipawl intihsiakna atana thil tul zawng zawng ngaihtuahin intihsiak dan tur kalhmang an duan bakah, Zonal Committee din te, Zone hrang hrang intihsiakna tur ruahman te, zaipawl intihsiak endiktu tur ruat te leh tul dang awm apiang an buaipui dawn a ni.
Vawiin thutkhawmah hian State Committee Member atana ruat Pu C.Lalrosanga Director, DDK Aizawl, Dr. Eric Zomawia Project Director, MSACS, Pu Jim K. Chozah Director, I&PR, Pu Lalchungnunga Sailo, Station Director, AIR Aizawl, Pu Zosangliana President, MJA bakah Kohhran hrang hrang hruaitute an tel tha hle a ni.
Vawiina Committee thukhawm hian member 16 awmna Working Committee a din a, he committee hian an Chairman Pu C.Lalrosanga Director, DDK hovin zaipawl intihsiakna atana thil tul zawng zawng ngaihtuahin intihsiak dan tur kalhmang an duan bakah, Zonal Committee din te, Zone hrang hrang intihsiakna tur ruahman te, zaipawl intihsiak endiktu tur ruat te leh tul dang awm apiang an buaipui dawn a ni.
Vawiin thutkhawmah hian State Committee Member atana ruat Pu C.Lalrosanga Director, DDK Aizawl, Dr. Eric Zomawia Project Director, MSACS, Pu Jim K. Chozah Director, I&PR, Pu Lalchungnunga Sailo, Station Director, AIR Aizawl, Pu Zosangliana President, MJA bakah Kohhran hrang hrang hruaitute an tel tha hle a ni.
