1801/2026-2027

Vawiin khan Mizoram State AIDS Control Society leh Health Department hnuaia Mission Director hmalaknain, National Health Mission chhunga programme hrang hrang TB, NCD, NUHM, RBSK/RKSK, MMU leh DAHA (Doctor Against HIV/AIDS) te neih a ni a.  Zoram Medical College & Hospital-ah HIV/AIDS awareness cum Comprehensive Health Check-up programme neih a ni.

ZMC & H Dean Prof Swati Patki Dean kaihhruai he programme-ah hian Pi Zuiliani Hrahsel, Joint Director MSACS chuan HIV/AIDS chungchang inzirtirna hun a hmang a. Dr Ricky Zothangliana, Senior Resident , Dept of Psychiatry, ZMC& H chuan Ruihhlo ngawlveina chungchang kalkhawmte a zirtir a. IDSP State Nodal Officer Dr. Zorinsangi, DAHA Treasurer ni bawk chuan zirlaite chu mahni hriselna ngai pawimawh tur leh natna inkaichhawn theih  laka mahni dinhmun hrechiang tura in check-up fo thin turin a chah bawk a ni.

He programme-in a tum ber chu College zirlai ten mahni hriselna ngaih pawimawh kawngah hma an sawnna tur leh, natna inkaichhawn laka inven pawimawhna zau zawka an hriat theihna tura buatsaih a ni a. HIV  screening neih tel nghal a ni bawk.

HIV/AIDS awareness cum Comprehensive Health Check-up programme hi Aizawl chhunga College leh Red Ribbon Club dinna zirna in hrang hrang 30-ah Red Ribbon Club leh NSS ,ZMC&H te kaltlangin neih chhunzawm tura ruahman a ni a. NSS ten Mybharat portal awareness leh registration drive an nei nghal bawk a ni.  

Heng programme hrang hrang buatsaih hi HIV dona leh hriselna kawnga  a huhova hmalakna beihpuithlak vawikhatna a ni a. Zirlai 300 chuang an tel a, zirtirtu engemaw zatin an tel pui bawk a ni.