1803/2026-2027

Dated Serchhip, the 14^th August 2026: Vawiin khan Serchhip Deputy Commissioner Office Meeting Hall-ah Deputy Commissioner Pu Paul L. Khuma hovin, dan lam thiamte an thukhawm. 

Dan thar Bharatiya Nagarik Suraksha Sanhita (BNSS) leh Bharatiya Nyaya Sanhita (BNS) hnuaia District Magistrate/DC khapna thupekte (Prohibitory Order) khauh taka kenkawh dan turte sawi ho a ni a. Dan anga hmalakna kawngah tih sual a awm loh nan leh dan ang thlapa hremnate chak taka kalpui dan turte rel a ni.

Hnathawktu mahni mawhphurhna hlen tha lo emaw, duty ngaihthah emaw te, Deputy Commissioner/District Magistrate-in mipuite that tlanna tur atana khapna thupek hrang hrang a chhuahte zawm tha duh lo emaw, ngaihthah emaw an awm a nih chuan, a rang thei ang bera DC hnenah hriattir nghal tur a ni a. DC chuan Court-ah thlenin, Court chuan Police-te hmangin dan ngaihthahtu leh bawhchhetute chu manin, hremna an pe thin dawn a ni.

Meeting-ah hian Addl. DC Pi Dorothy Muansangi, SDO (Sadar) Pi Rebecca Laldinmawii Hrahsel, SDC te bakah Chief Judicial Magistrate (Serchhip District) aiawh te, District Court Serchhip-a Addl. Public Prosecutor Pu Lalrosanga Colney leh Asst. Public Prosecutors te an tel a ni.