1804/2026-2027

Dated Aizawl, the 15 August 2026 : Tukin khan ram chhung hmun dangte rualin Gauhati High Court, Aizawl Bench-ah pawh India Independence Day vawi 80-na lawm a ni a. Justice Kalyan Rai Surana, Judge, Gauhati High Court chuan hnam puanzar pawt pharhin 225 Battalion CRPF ten chibai an buk a chhang let a ni.

He hunah hian Justice Rajesh Mazumdar, Judge, Gauhati High Court & Station Judge, Aizawl Bench te; Pi Helen Dawngliani, District & Sessions Judge, Aizawl Judicial District; Dr. H.T.C. Lalrinchhana, Registrar; Mizoram Judicial Service Officers te, High Court Officials te leh Mizoram State Legal Services Authority hotute an tel. Anni bakah hian Pu T.J. Lalnuntluanga, Former Law Minister; Mizoram Bar Association hruaitute leh member te, Additional Advocate General-te leh Sawrkar Ukil te, thuthar lakhawmtute leh mi pawimawh dang engemawzat an tel a ni.