1805/2026-2027

Saitual, the 15th August, 2026: Vawiin khan India ramin zalenna a hmuh ni, India Independence Day vawi 80-na chu Keifang Centenary Sports Complex, Saitual District-ah urhsun taka lawm a ni a, Power & Electricity Department Minister Pu F. Rodingliana chu khuallian niin, hnam puanzar pawt pharhin Parade Contingent 18-te chibai a chhang let.

Khuallian Pu F. Rodingliana chuan India ram tana ni ropui tak, India zalenna ni, Independence Day vawi-80 na hmang tura Saitual District mipui kalkhawmte chu chibai a buk a, he hun aa hlawhtlin theih nana tha leh zung sengtute inbuatsaihna leh thawhhona avangin lawmthu a sawi.

Minister chuan India ram tana zalenna sualtu kan hruaitu hmasate zarah mahni kut kea ding tawh turin kan lo zalen ta a, ram rethei tak ni thin kha tunah chuan khawvel huap pawha ram hmasawn chak ber pawl kan lo ni ta a ni, a ti. India ramah hian mipui tluklehdingawn 1.47 awmin, khawvel mipui zaa 17(17%) lai kan awh a, chuti chung chuan sawrkar hmalakna azarah zirna kawngahte, eizawnna kawngahte, hriselna kawngahte leh thil dang tam takah India ram pumpui hian hma a sawn hle a ni tih a sawi bawk.

Khuallian hian Department hrang hrang kaltlanga Sawrkarin Saitual District hmasawn nana a hmalakna hrang hrang langsar zualte a tarlang a. Chung Department hrang hrang hnuaia hmalakna te leh Khuallian thusawi hi a kimchang zawkin a hnuaia link-ah hian chhiar theih a ni e.

dipr.mizoram.gov.in/post/speech-of-the-honble-minister-of-state-pu-f-rodingliana-on-the-occasion-of-the-80th-independence-day-2026-at-keifang-centenary-sports-complex-saitual-district

Vawiina Saituala Independence Day lawmnaah hian khuallian Pu F. Rodingliana chuan a hnuaia mite hnenah hian chawimawina a hlan:

Parade Commander- SI Laldanglova, 2nd IR Battalion

Second Commander- Head Constable R. Laldinpuia Saitual DEF (District Executive Force)

School parade contingent lawmman dawngtute chu: 

Middle School Section

1st Position: Govt. STS Middle School, Keifang

2nd Position: Oxford English School, Saitual

3rd Position: Govt. Middle School-II, Saitual

High School & Higher Secondary Section

1st Position: Govt. Saitual Higher Secondary School

2nd Position: District Higher Secondary School, Keifang

3rd Position: Govt. Saitual High School

Unarmed Contingents

1st Position: Govt. Keifang High School NCC

2nd Position: Govt. Saitual Higher Secondary School NCC

3rd Position: District Higher Secondary School NCC

Kawng hrang hranga Saitual District tihmingthatute chawimawina hlan nghal an ni a. Chungte chu:   

National Level Achievement

1. K. Lalhriatpuii D/o K. Rualkhuma, Keifang –  Saitual District Executive Force (DEF), Saitual District Police Station Staff niin 4th People Arm Wrestling Federation of India (PAFI), National Arm Wrestling and Para Arm Wrestling Championship, Gujarat a neihah 90 kg Senior Women Category-ah Gold Medalist a ni.

2. Eric Vanlalhriatsanga S/o H. Malsawmzuala (L), Rulchawm - .22 (Point Two Two) Rifle Open Sight (Junior Men)-ah Gold Medal a la a ni.

3. Lalramdinpuii D/o Lalrinsangi Sailo, Keifang –12th North East Zone Shooting Championship 2025 Aizawl a neihah 50 metre Rifle (Peep Sight) Junior Women Category-ah Gold Medal a la a ni.

4. F. Vanlaltleipuia S/o F. Lalbiakkima Saitual Chhimveng - Mizoram State Under 20 Football Team Manager niin an team hi Swami Vivekananda Under 20 National Football Championship 2026, Chhatisgarh ah zuk hruaiin, Runner-Up a nih pui a ni. 

5. V. Zothanpuia S/o Laltlansai (L) Saitual venglai - India Under 23 National Tri-Nation Championship 2026 YUPIA, Arunachal Pradesh Indian Football Team Player leh Indian Super League, Mumbai City FC Player ni lai mek a ni.

State level Achievement 

Saitual Cricket Association – Team-te hi 5th Inter District Cricket Tournament 2025 to 2026 Season, Cricket Association of Mizoram leh Serchhip District Cricket Association ten an buatsaihah Champion an ni.

Lawmman semna neih zawhah hian Hnam Puanzar chibai bukna neih niin Independence Day lawmna hun hi khar a ni. Vawiin India ram zalenna ni lawmnaah hian unarmed contingents (NCC) 3, school contingents 15 leh The Salvation Army, Saitual Corps Brass Band-te an tel a, parade commander hi SI Laldanglova, 2nd IR Battalion niin, second commander hi head Constable R. Laldinpuia Saitual DEF (District Executive Force)-te an ni.

Keifang Centenary Sports Complex-a hun hman zawh hian DC Bangla-ah sawm bikte pualin ‘VIP at home’ hman a ni bawk.