Vawiin chawhma dar 11 : 00 khan Lawngtlai Academy of Letters, Chhimtuipui Academy of Letters leh Mizo Academy of Letters Joint Hqrs., Lunglei te tangkawp in an buatsaih “Zo hnahthlak inpumkhatna Seminar” chu “I&PR Conference Hall” Saiha-ah neih a ni.

He Seminar hi Dr Chawngkhuma Chawngthu, President, Chhimtuipui Academy of Letters chuan a kaihruaia, Pu V.L. Hruaizela Khiangte, Project Director, D.R.D.A. Saiha chu Khuallian ani. Rev Thylua Hlychho, Moderator E.C.M. Hqrs Saiha chuan hunserh hmangin C.A.L., M.A.L., leh L.A.L. atanga Secretary theuh ten report an pek hnu ah thu sawiin khuallian chuan ziaka thil vawn leh dah that a pawimawh zia sawiin ziaka thil kan dah that zel hian kan hnam ro hlu ani ati a, hnam in unauna chungchangah khawi hmun ah pawh awm mah ila kan hnam zia leh nunphung te paih bo lovin in unauna thatak nena zo hnahthlak te kan awm ho dial dial hi a pawimawh ani ati bawk. Hnam inpumkhatna tichhe zawnga awm lo turin kalkhawm te chu a chah a, harsatna leh manganna kan tawh te hi hnam inpumkhatna hmanrua atana kan hman a pawimawh a ni a ti bawk. He Seminar neihna ah hian Pu Krosthanga, Lunglei leh Pu HC Lalnunthara, Lawngtlai te chuan thupui thlanchhuah “Hnam inpumkhatna Tawng hmangin” tih leh “Hnam inpumkhatna Hla hmangin” tih paper an present a, Pu V.Zacho, Executive Secretary, MADC Saiha pawhin thu sawina a nei bawk. Pu K.Hrekung, Vice President, L.A.L. chuan thu a sawi bakah sawi hona hun te hman ani a, programme karlak ah zaithiam ten mipui an awi reng bawk. Pu K.Darchhawna, Vice President, M.A.L.Joint Hqrs Lunglei chuan lawmthu sawina a neih hnu in he Seminar hi tihtawp a ni.