Rs. 9,99,000/- senga sak zawh BNRGSK Building Zobawk khua a mi chu vawiin khan Pu Joseph Lalhimpuia, HPC Vice Chairman chuan a hawng.

Hawnna inkhawmah hian Pu Joseph Lalhimpuia chuan thu sawiin, VC te thawhrimna a Zobawk BNRGSK building hawn theih a ni ta chu lawmawm a ti a, khaw thenkhat ah chuan ni 100 inhlawhna ang chi te pawh hi hmang duhlo an awm avangin sorkar hotute pawhin material component ah 20 % chauh an dah tawh dawn thu a tarlang a ni.

Zobawk a hmasawnna tur thenkhat tarlagin, PHC dan tur pawh Health Department changtu Minister in a hmunah a rawn enfiah tawh a, a tak hmuh thuai a beisei awm thu te, Sericulture building chungah Rs. 16,00,000/- man tur auditorium sak mek anih thu te a sawi. Zobawk BNRGSK hawn tharah hian back office, public counter, meeting room, computer training, library leh inthiarna te dah a ni a, a pumpuiin 1032 sq. ft a zau a ni.

Vawiin vek hian Pu Joseph Lalhimpuia hian Lungpuizawl Health Clinic Centre a hmang bawk a, hawnna thu sawiin, mipuite hriselna atana tangkai tak a nih a beisei thu sawiin, hei aia changtlung zawka siam zel tum a nih thu a sawi bawk.

Attachment

  • Loading attachment...