Vawiin khan Zobawk Group YMA buatsaihin Chapchar kut 2017 chu District  Park Zobawkah hman a ni. Pu Joseph Lalhimpui Parliamentary Secretary, School Education etc. chu kut pa a ni a, Pu Vanlalhmuaka Asst. Secretary Group YMA Zobawk chu kut thlengtu a ni. 

Kut pa Pu Joseph Lalhimpuia chuan thu sawiin Lentlang-a kan pi leh pute hun lai atangin Chapchar Kut hi zu leh sa nen an hmang thin a. Chanchin Tha leh khawvel changkanna avangin dawidim tel lovin Chapchar kut hi tunah chuan hman a lo ni ta a. Pawn lam lang theia kan incheina, kan hawiher leh mawina aiin kan chhungril lama kan Mizo nihna tak tihlana vawnnun reng a ngai a ni.Pi leh pute atanga Zopa chhul chhuak kan nih angin aia upate zahna kan chhawm nuna tihalh zel a ngai a ni. Rinawmna, taihmakna leh huaisenna bakah tlawmngaihna nena mizo hnam hrang hrangte insuihkhawma, lungrual taka tan kan lak chuan hmasawnna tamtak kan hmu thei dawn a ni a ti. 

Pu Joseph Lalhimpuia chuan Zobawka sawrkar hmalakna thenkhat tarlangin  damdawiin sak mek pawh chak taka kalpui mek a ni a. Govt. High School leh Middle school te chu sak that a nih tur thu a sawi bawk a ni. Pu Joseph Lalhimpuia hian vawiina Zobawk Group YMA ten Chapcharkut an hmanna senso phuhruk nan hian cheng 30000 a pe a ni. Vawiina Zobawka chapcharkut hmanna ah hian hnam lam chi hrang hrang entir a nih bak ah zai thiam zai ngaihthlak a ni a, he ni pual hian Chapcharkut Miss Lunglei Photographer te buatsaihin thlan a ni.