Tukin khan Lunglei DC Pu K. Lalrohlua chuan Lunglei Zotlang Venga Deputy Commissioner’s Link Road chu a hawng.

He Link Road hi 1275 metre-a thui niin, kum engemaw zat kalta atang khan khawtlangin NREGS kaltlangin a tih zau hna hi an lo thawk tawh a. PWD hnuaiah kum 2014-15 khan 570 metre chu black top a ni. Lunglei District Innovation Fund cheng nuai 9 sengin 330 metre chu tunhnaiah black top chhunzawm leh niin, 375 metre black top la hmabak a ni.

Zotlang Village Council ten he hna hi an thawk a, fund an dawn hmang hian black top bakah side drain leh PHE tui connection pipe te siamthat hna an thawk tel a ni.