Mizo Zirlai Pawl (M.Z.P)Hqrs. Mizoram buatsaih Zofest 2012, Darchawi, Tripura-a ni 11th - 12th December, 2012 a neih chu ropui takin hman a ni a, Pu R.L. Pianmawia, Dy. Govt. Chief Whip chuan khuallian niin a hmanpui.

Pu Piana chuan M.Z.P. ten Zohnahthlakte inzawmkhawm na lama hma an lak thin chu fakin, zirlaite hian hnam inzawmkhawmna atan a tan an lakna ah harsatna tamtak a awm thei a, International State boundary avangte pawhin a awm thei mahse rilru hnual mai lova hnam inzawm khawmna ah dik leh fel taka tan la zel turin a fuih.

Mizoram pawn lama Mizo awmte chu Mizoram hi Zofate Jerusalem anih angin neitu chan chang takin awm thin turin a duh thu sawiin, Pu Piana chuan, kan awmna apiangah Mizo ka ni tih zahpui lova, nunze mawi taka nung turin a chah bawk.

Tunhnai ah ‘Chibing’ tih chungchang ah inhriat sual palh thil avangin Y.M.A te leh hnam thenkhatah boruak thalo deuh awm chu, Mizote hmasawnna atana duhthawhna theuh niin a hriat thu leh hemi chungchangah thu chhuah leh thu vaivir lam uar lova, Mizo hnam tan anih angin dawhkan khat kilho a sawifel nise tha a tih thu Pu Piana chuan a sawi bawk.

EST 2012 neih ah hian M.Z.P hruaitute bakah Tripura leh Mizoram a Zohnahthlak hrang hrang ten Zofate inpumkhatna atana pawimawh sawina hun nei in, hnam hrang hrang zai leh lam entirna hun hman a nil.

He hunah han M.Z.P chanchinbu a ziak ‘Article of the year’ atan Pu Vanhmunmawia Hnamte ziak chu thlan niin, sports lama mi hmingthang leh tha te, Lalremsanga (Archery), Lalenkawli (Boxer) leh M.C. Mary Kom (Boxer) te hnenah chawimawina khuallian Pu R.L. Pianmawia hian a hlan a ni.