No.519/2021-2022 

Dated Champhai, the 14th May, 2021: Tunhnaiah Zokhawthar khuaah COVID-19 hri kai an lo pun tak avangin hmanhmawh taka Community Covid Care Centre (CCCC) din a tul tih hriat a ni a. COVID-19 hri kaite dah hranna turin building lian tha leh hmun nei tha sa a tul avangin Chief Medical Officer, Champhai District nen inrawntlan a nih hnuah, District Magistrate Pi Maria C.T Zuali chuan Section 11(2) of 'The Mizoram Epidemic Diseases (COVID-19) Regulations', vide Govt. of Mizoram Gazette Notification under No. D.33011/21/2019-HFW (nCov) Pt dt. 17.3.2020 in thuneihna a pek angin Zokhawthar Higher Secondary School
(ZHSS) building chu Community Covid Care Centre (CCCC) atana hman turin thupek a chhuah. He thupek hian chhuah a nih atanga thu leh awm hma zawng a huam ang.

Thupek ang chuan Zokhawthar Community Covid Care Centre (CCCC) a awm turten mutbu leh mahni mamawh an intum tur a ni a, awm man leh senso zawng zawng an intum bawk ang. Mizoram Sawrkarin CCCC kaihhruaina a chhuah chu a theih chinah zawm tur a ni a; VLTF-ten Medical lama mithiamte rawn chungin hma an la dawn a ni.

He Order hian Order chhuah tawh No.11013/1/2020-DC(C), dated 13.5.2021 kaltlanga Tourist Lodge Zokhawthar, Community Covid  Care  Centre (CCCC) tura ruatna chu a luahlan (supercede) nghal ang.