4785/2025-2026

Champhai, dated 11th March 2026: Vawiin khan Zokhawthar Land Custom Station-ah Champhai Bawrhsap Pu Mohammad Aaquin chuan SBI ATM thar a hawng a, a hawnna hunah khuallian a ni bawk a ni.

Bawrhsap Pu Mohammad Aaquib chuan he ATM hawn theih nana hnathawh ropui tak avangin SBI leh C&I-a hnathawk zawng zawng te chungah lawmthu a sawi a, khaw hla tak taka awm te an ngai pawimawhin banking service an neih an duhsak tih a hriat a ni tih a sawi. Zokhawthar mipui te'n tangkai taka an hman theih nan duhsakna a hlan a, tha taka enkawl turin a fuih bawk a ni.

He hun hi District Commerce & Industries Officer Pu Vanlalpara'n hun a kaihruai a, SBI Regional Office Deputy Manager Pu H. Lallianzama chuan technical report a pe a. Zokhawthar VCP Pu Laldinthara leh VCP hmasa Pu Lalmuanpuia te'n thu tawi sawiin Zokhawthar mipuite aiawhin lawmthu an sawi a, SBI Lead District Manager Pu Lawmkima'n lawmthu sawiin hun a khar a ni.