4786/2025-2026

Dated Aizawl the 11th March, 2026 : Vawiin khan Irrigation & Water Resource Department (IWRD) leh Tourism Department hotute chu Secretariat Conference Hall, MINECO-ah ‘Vantawng Tourism Project’ leh ‘Tuirihiau Project’ chungchang ngaihtuahin an thukhawm.

Thutkhawmna hi Pu Lalrothanga, Secretary, Irrigation & Water Resources Department chuan a kaihruai a. Thutkhawmnaah hian Vantawng, Tuirihiau leh Buangpui a Department pahnihte hmalakna tur Project Proposal zirchianna neih a ni a. Project pahnih ‘Vantawng View Aerial Ropeway & Associated infrastructure at Thenzawl & Buangpui’ tih leh ‘Vantawng-Tuirihiau Integrated Water Conservation and Eco-Tourism Project-te chu sawiho nghal a ni.

Heng bakah hian Project pahnihte’n an ken tel tur hmalakna hrang hrangte, Project kaihhnawih hmalaknate insut buai lohdan tur leh thawktute tanho dan tur ruahmannate siam nghal niin, Project- te chu mipui vantlangin tangkai zawka an chhawr theih dan turte pawh sawiho nghal a ni.