4787/2025-2026

Saitual, the 11th March, 2026: Vawiin khan DC Conference Hall, Saitualah Pi Christina Lalnunfeli, SDC kaihhruainain CM Special Package (Phase-II)-a progress partner te tan training buatsaih a ni a, Pu Tharun Patnaik Madala, SDO (S) chu khuallian niin certificate leh placard te a sem nghal a ni.

He hunah hian khuallian Pu Tharun Patnaik Madala chuan progress partner te chu an hun hlu tak senga training an rawn kal avangin lawmthu a sawi a, line department te pawh an inpekna chu fakawm a tih thu a sawi. Khuallian chuan progress partner te chu an sum dawn te a hmanna tur dik taka hmang turin a fuih a, an hlawhtlinpui ngei a beisei thu a sawi bawk.

Vawiin inkhawm hi Pi Christina Lalnunfeli chuan kaihruaiin, Pu Tharun Patnaik Madala, SDO (S) chu khuallian niin thu a sawi a, certificate leh placard semna hun hman nghal a ni bawk. Pu C. Christopher Lalhriatpuia, District Lead Resource Person, DIC, DRDO chuan “Introduction to Entrepreneurship & Basic Business Management” tih thupui hmangin mahni kutkawih eizawnna leh sumdawnna chungchang a sawi zau a, Pu PC. Lallawmkima, Account Officer, DRDO chuan sum leh pai vawn that dan ‘Basic bookkeeping’ chungchangah zirtirna a pe bawk a ni.

CM Special Package (Phase-II)-ah hian Saitual District-ah department pahnih- Horticulture leh AH & Vety hnuaiaah progress partner pahnih thlan chhuah an ni a, vawiin chawhma lamah hian line department te chuan an trait thlan theuhah te progress partner te hi technical training an pe a ni. CM special package atanga sum fai (grant) te chu training neih zawhah hian progress partner te bank account-ah a lut ang.