4788/2025-2026

Dated Siaha, the 11 March, 2026: Vawiiin chawhnu dar 2:00PM khan DRDO Conference hall, DC Complex, Siahaah Chief Minister Special Package 2nd Phase-a progress partner-te tan orientation training neih a ni a, Pu Abraham Beirazi Khithie, Additional DC chuan a hmanpui a, certificate a sem nghal.

Thu sawiin Pu Abraham Beirazi Khithie chuan kal khawmte chu Mizoram sawrkar flagship programme pawimawh tak Chief Minister Special Package 2nd Phase-a progress partner tura thlan an ni chu a lawmpui thu a sawi hmasa a, ‘Sawrkarin ṭanpui tlaka a ngaih tam tak zinga a thlan chhuah nalh annih ang ngeiin hlawhtlinpui ngei tum turin a chah bawk.’ Hmasawnna hna thawhna tur dawngtute’n ṭangkai taka an hmana hlawhtlinna an chan chuan chhungkaw tam zawk tan kawng hawngtu an ni thei a, phase dang lo awm lehzel turah sawrkarin ṭanpui tlaka an ngaih ni tur chuan tuna mite an pawihmawh a ni, a ti.

Vawiin hun hmannaah hian AH&Vety department hnuaia Chief Minister Special Package 2nd Phase-a progress partner tura thlan mi sawmpahnih (12) an tel a. CM Special package dawngtute hlawhtlinna hlimthla thlirho hmasak niin, ‘Financial literacy, leadership training & work ethics’ tih hmangin Dr. H. Lalruatfela, VO, AH&Vety department in thu a sawi a, Dr. Benson Chhakchhuak, VO AH&Vety department in ‘hand holding scheme overview, motivation, technical training’ hmangin a zirtir a, zawhna leh chhanna hun hman a ni bawk.

Pu Vanlalchhuanliana, Member Secretary, District Management Committee leh SDO (S) nibawk chuan hun hman a kaihruai a. Chief Minister Special Package 1st Phase-ah progress partner turin Siaha district aṭangin mi 35 thlan an nih thu leh 2nd phase-ah AH&Vety department aṭang vekin mi 12 thlan an nih thu a sawi. Dr. H. Lalzarliana, DVO, AH&Vety department-in lawmthu sawina a nei a, hun hman tihtawp a ni.