4789/2025-2026

Lawngtlai, the 11th March, 2026 : Vawiin chawhnu dar 1:00 PM khan BDO, Sangau Office Chamber -ah Sangau Block Level Immunization Task Force Meeting neih niin Lawngtlai Bawrhsap Pu Donny Lalruatsanga chuan a telpui.

Pu Donny Lalruatsanga chuan member kalkhawmte hnenah lawmthu sawina a nei hmasa a. Lawngtlai District hmasawnna kawngah chak zawka hmalak mek zel a nih thu sawiin, Foreigner dan lo va lo lut thin te khuahkhirh turin, Standard Operating Procedure (SOP) duan mek anih thu a tarlang. Lawngtlai khawpui chhung faina leh mawina (Beautification) ah pawh hmalak mek a nih thu a sawiin, Block Level- ah pawh kalpui a ni ang a ti. Bawrhsap chuan Immunization lamah 'Fully Immunized' ni thei tura hmalak mek zel a ni thu sawiin, medical lama thawktev pawh tan la thar zel turin a chah bawk a ni. Bawrhsap chuan PHC Sangau X-Ray Room siam a nih tur thu tarlangin, thawktu indaih lohna pawh a theih anga bawhzui a nih tur thu a sawi bawk.

Thutkhawm hi Pu Thomas Maratha Hlychho, BDO Sangau chuan kaihhruaiin Dr. S.Chunglala, Medical Officer, PHC Sangauin report pe in tun dinhmun ah Sangau, Pangkhua, Cheural, Rawlbuk leh Lungtian chhungah 96.44℅ Immunization MR - 2 ah an dinhmun niin Meeting hmasa leh tun meeting inkarah Zero Doser -3 pek thar anih thu ngaihthlak niin, tun dinhmunah Vaccine la duh lo 16 an awm mek thu a tarlang a ni.

Thutkhawm ah hian vaccine la duh lo te bikah ANM, Health Workers leh Asha Workers - ten 'home visit' nei nise tih a ni a. Thawktu indaih lohna avanga an harsatna tawhte pawh chinfel thuai ni se an ti bawk a ni.

Vawiin thutkhawm ah hian Dr.PC Vanlalhlui,, WHO Consultant, Lawngtlai, Dr.Zoliana Valte, Medical Officer, S.Lungpher leh Lalnunhlimi,EM WHO, K Lalbiaktluangi, Health Superviser leh VC aiawh te an tel ani.