Inrinni 31.7.2010 chhun dar 12:30 khan Pu P.C. Zoramsangliana, Minister, Art & Culture Department leh Chairman, North East India Region of YMCA ni bawk chuan Zuangtui Veng a Young Men's Christian Association(YMA) 3-Dimension Guest House thar a hawng. He YMCA Guest House ah hian mi 25 thlen theih niin YMCA, Aizawl in a enkawl ang. YMCA ah hian member-te tan Hotel aia man tlawm zawk a thlen theih a ni a, ruih theih thil ti mite erawh thlen tir an ni lovang.
Minister chuan pawl lian leh mipui te huap zo em em, YMA leh Kohhran thalai pawl te an awm avangin NGO dang hman tlak an awm tlem tawh hle a, mahse; heti chung hian YMCA chu a kal ve zel rih a.YMCA chuan chak zawk a hmalak zel pawh a tum a ni a ti.YMCA ah Mizo thalai tam zawk te in hmang se national level ah pawh hruaitu nihna te chelh thei hlawm se Mizoram tan leh Mizo te tan a tang kai dawn a ni a ti. YMCA 3-Dimension Guest House hawnna inkhawm hi Pu Zoliana Royte, Director Sports Department leh Treasurer ni bawkin in a kaihruaia, YMCA General Secretary, Er. K.Sawmvela'n report tawi pein Pu Z.H. Ropuia, Ex-Minister leh Vice President, YMCA, Aizawl ni bawk chuan lawmthu sawina a neih zawhin khar a ni.
Report pe tuin a tarlan dan in Mizoramah YMCA Life Member 133 leh Annual member 199 an awm a, Life member a inziah luh nan Rs 2000 leh Annual member a inziah luh nan Rs100 a ngai a ni. Student tan annual member ni tur hian Rs 50 pek a ngai thung. YMCA Guest House ah hian mikhual room bakah Gym, Table tennis khelhna hmun leh recreation hall te a awm nghal.
Report pe tuin a tarlan dan in Mizoramah YMCA Life Member 133 leh Annual member 199 an awm a, Life member a inziah luh nan Rs 2000 leh Annual member a inziah luh nan Rs100 a ngai a ni. Student tan annual member ni tur hian Rs 50 pek a ngai thung. YMCA Guest House ah hian mikhual room bakah Gym, Table tennis khelhna hmun leh recreation hall te a awm nghal.
