Assam Rifles Additional Director General Maj. Gen. J.P. Nehra, AVSM, chuan Mizoramah nithum cham turin vawiin khan Aizawl a lo thleng. A cham chhungin Mizoram Governor Lt. Gen. (Rtd) M.M. Lakhera PVSM, AVSM. VSM a hmu ang a, ramri a Assam Rifles-te inkulhna hmun a tlawh bawk ang. Hei bakah hian Lunglei leh Parva khuate tlawhin ramchhung venhimna chungchanga hmalaknate a enpui ang.
General hi a nupui Pi Nirmala Nehra, Assam Rifles Wives Welfare Association Vice-President ni bawkin a rawn tawiawm a, Pi Nirmala hian sipai nupuite leh an chhungte kawmna hun a hmang bawk ang. 'Sipaite hi hmun kilkhawr tak taka awm a hun khirh tak tak tawk thin an nih laiin an chhungte hi anmahni fuihtu leh ti chaktu, beiseina pe thintute an ni a abik takin Assam Rifles Wives Welfare Association te hi an pawimawhna leh an mawhphurhna a sang em em a ni'
