Pu Kunal IAS, District Bawrhsap chuan Inrinni (31.7.2010) khan Saiha District a Maubawk 'L' leh a chhehvel khuate a tlawh. Heng a tlawh khua ah te hian NLUP chungchanga mipui ngaihdan te thlir in khawtlang hruaitu leh NGO te a kawmkual nghal a. IWDP hnuaia Watershed Committee leh SHG te tlawhin an harsatna tawh hrang hrangte a sawipui a, theihtawp chhuaha an harsatna te sutkianpui a tum thu a hrilh nghal bawk a ni. Coffee huan a thil chin hrang hrang leh Sangha dil te a hmunah a en nghal bawk a ni. Self Help Group te chu a theih ang ang a tanpui a tum thu sawiin Maubawk leh Theiva inkara Coffee leh Balhla chinna hmun a tlawh nghal a, Self Help Group te hmalak zelna turah theihtawp chhuaha an hmasawnna tur atana tangkai thei tur apiang dappui a tum thu a sawi bawk a ni. District Bawrhsap hi Saiha atangin mi pawimawh thahnem takin an tawiawm a ni.