Ni 31.7.2010 (Inrinni) zing dar 7:30 khan MHIP Sub-Headquarters, Saiha te chuan Saiha khawpui chhung dawrkai hrang hrang atanga Tiranga an lei khawm te chu New Saiha Sobji Bazar ah an halral.
He Tiranga halralna inkhawm hi Pi H. Lalawii, President, MHIP Sub-Headquarters, Saiha chuan a kaihruai a, Pu H. Lalhmingthanga, MCS, Election Officer, Saiha chuan thu sawiin mihring tana thil thalo leh taksa tana thalo Tiranga laka fihlim tum theuh tur leh he thil thalo hi mitin ten do tlang theuh turin kalkhawmte chu a chah a ni. Pu Laldinpuia Tlau, Judicial Magistrate 1st Class pawhin thu sawiin Tiranga leh a kaihhnawh thil hrang hrang te hi keini Mizote tan hian thil tha a ni em ? tiin rilru fim taka kan chhut chuan a thalo a ni, a ti a. MHIP ten "Tiranga Do" a puang pawh hi tihmakmawh a ni, a ti bawk. Tiranga kan halral hian mihring nunna leh hriselna atan a that loh avangin kan zinga awm ve tlakah kan ngailo tihna a ni, a ti bawk. He Tiranga halralna ah hian MHIP ten dawrkai hrang hrang atanga Tiranga an leikhawm sa Rs. 20,000/- chuang man an halral a ni.