India ram pum huap chhiarpui chi khat Economic Census vawi 6 na chu nakum 2011 khian state tinah neih leh tur a ni a. Hemi atana enlawkna chu 2005 Economic Census vawi 5 na neih tuma a ti tha zual state 4 thlanchhuahte chuan tun thla chhung hian an nei dawn a. Chung state 4 te chu Maharastra, Karnataka, Himachal Pradesh leh Mizoram te an ni. He chhiarpui enlawkna bultan hian vawiin khan I & PR Conference Hall-ah inkhawm pawimawh tak neih a ni.
Vawiina inkhawm hi Prof. S.P. Mukherjee, Chairman, Working Group chuan hawngin he Economic Census tangkaina leh department hrang hrang Planning chungchanga a chhawr nahawmnate a tarlang a. He chhiarpui atang hian kuthnathawktute thil siamna leh mipui mimir sum dehchhuah dinhmunte felfai taka hriat theihna tur a nih avangin thawktute chu hna pawimawh tak kengkawh tur an nih zia te a tarlang a. Ram pum huapa chhiarpui kal mek nen khawkhai rual taka a kal theihna turin in ngaihchan tawn pawh a tul hle dawn a ni a ti. Chairman ruala lokal Pu Sunil Jain leh Pu GC Mana, Dy. Director General ve ve te pawhin he chhiarpui enchhinna tura thil hriat tur hrang hrang an hrilhfiah a ni.
Economic Census hmahruai hi Aizawl District khaw thlan bikah te tun thla chhung hian neih tan nghal tur a ni a. He sample census atang hian nakum June - October chhunga Economic Census neih dan tur thil tam tak hriat lawk theih tura beisei a ni.
Economic Census hmahruai hi Aizawl District khaw thlan bikah te tun thla chhung hian neih tan nghal tur a ni a. He sample census atang hian nakum June - October chhunga Economic Census neih dan tur thil tam tak hriat lawk theih tura beisei a ni.
