Anthurium Festival kumin a hman tur chungchanga ruahmanna siamin vawiin khan Programme Committee hmasa ber Pi B. Sairengpuii, Tourism Secretary pisa ah neih a ni. Ni 10 leh 11, September thlaah  Anthurium Festival hi Reiek Tourist Resort a neih tum a ni a. A hman dan tur leh cultural programme te duan a ni. 
Anthurium Festival hi ramchhung khualzin veivak te hip nan leh Tourism chawikan nan a buatsaih thin a ni a. A senso tam zawk hi sorkar laipui a Tourism Ministry rawn tum a ni thin. State tharchhuah, ram dang a thawnchhuah tham Anthurium pangpar hming chawiin he kut hi buatsaih a nih thu vawiin thutkhawmna ah hian sawilan a ni. Anthurium Festival nghahna hmun tur Reiek Tourist Resort pawh tunah hian cheibawl thar mek a ni.