311/2026-2027

Aizawl the 28th April, 2026: State Election Commission, Mizoram thupek angin tahrik ni 28 April, 2026 (Thawhlehni) chhun dar 12 khan I/7 – Zuangtui-II Polling Station-a vote tlate chu Dr. H. Lalthlangliana, State Election Commissioner, Mizoram kaihhruaina hnuaiah Candidate Election Agent te leh Municipal Returning Officer te hmuh laiin Pu Laxman Khot, BEL EVM Engineer chuan EVM Control Unit Sl. No. Z07457 chu hawngin vote tlate chu tluang takin a la chhuak thei a. Ward No.I-a vote tlak dan leh candidate tinte vote hmuh dan chu hetiang hi a ni:

 I/7 – Zuangtui-II Polling Station-a vote tlate chhiar hian candidate thlan tlin leh tling lote a nghawng loh lain State Election Commission, Mizoram chuan Zuangtui-II Polling Station-a hun leh tha senga vote thlak tute duhthlanna hriat loh a liam tir mai hi tha a ti lova, vote thlak tute an zahawm a ti em em a. Inthlan buaipui tute hun leh tha sen a ngai hlu hle bawk a ni. Hei vang hian a hranpa liau liau a Zuangtui-II Polling Station-a vote tlate chhiar thei ngei tur hian Commission chuan hma a la ta a ni.

Vawiin a I/7 – Zuangtui-II Polling Station-a hman EVM Control Unit Sl. No. Z07457 hawnna leh vote chhiarna hunah hian MJA aiawh te, Political Party aiawh te, General Observer leh State Election Commission, Mizoram official te an tel a ni.