310/2026-2027

Lawngtlai, 28th April 2026 : Vawiin khan Lawngtlai Bawrhsap Pu Donny Lalruatsanga kaihhruaiin a Office Chamber-ah PMAY- HFA (Rural  & Urban )  ( Pradhan Mantri Awas Yojana, Housing For All)  kalpui dan leh hlawhtlinna awm ang angte zirhona neih a ni.

Pu Donny Lalruatsanga chuan PMAY - HFA(Rural & Urban) hnuaia hmasawnna leh hlawhtlinna thlirho theih a ni chu lawmawm a tih thu a sawi a . Central Sawrkar Scheme tha tak, khawpui chhunga mirethei leh chanhai zawkte tana chenna In,  tui, kawlphetha leh inthiarna tha zawk pek a nih angin a nihna ang tak leh mamawhtute tana hman chu thil pawimawh tak a ni, a ti. PMAY hamthatna dawngtute zingah hnathawk tha tak tak an awm laiin, thawk tha  duhlo an awm thin tih hriat a ni chu pawi a tih thu tarlangin, sawrkarin hamthatna a pek ang taka hmang thin turin a chah a. Bawrhsap chuan Insak tanpuina chu a mamawh tak takten an hmuh chu thil pawimawh tak a ni, tiin Poitlics kaltlanga induhsakna awmlo tura kalpu a tul hle tih tarlangin, dik leh langtlang taka kalpui bakah a hun taka sak zawh a nih theih nan District Administration chuan theihtawp a chhuah zel dawn a ni, a ti.

Pu H. Zonunmawia, PD, DRDO chuan PMAY ( Rural) 2025- 2026  kalpui dan tlangpui sawizauna a nei a. PMAY (Rural) chu Lawngtlai District - a Thingtlang pamah, SECC data tehfunga hmangin  installment hrang hranga pek a nih thu a sawi a. He Scheme hnuaiah hian In sak tanpuina atan cheng 1,30,000 pekchhuah thin a nih thu tarlangin, Kum 2024 - a survey neihah  hamthatna dawngtu tur (beneficiary )  mi - 12,630 an awm a ni, a ti.

Pi Margaret J. Vanlalremmawii, DPO, UD&PA chuan kum 2025- 2026 chhunga PMAY 2.0  ( Urban)  kalpui dan tlangpui sawizauna a nei a. PMAY 1.0 chu nikum khan khar tawh niin, PMAY 2.0 chu September, 2024 ah tan niin kum 5 chhung kalpui a ni ang a ti a. PMAY 2.0 ah hian Insak tanpuina dawngtu ten sum an tum ve ngai dawnin, a vaiin chen nuai 3.125 a awm dawn a, tun dinhmunah  mi -70 chu District Level Commitee in a pawmpui  tawh a ni, a ti. In sak tanpuina chu installment - thuma pek tur niin, pawisa dawn atanga thla 12- 18 chhunga sakzawh tur a nih thu a tarlang a ni.

Vawiin thutkhawmah hian sawrkar Official balak VC, NGO leh MJA iawhte an tel thei a, Pu Donny Lalruatsanga chuan lawmthu sawiin hun a khar.