Directorate of Advertising and Visual Publicity (DAVP), Ministry of Information & Broadcasting chuan sorkar laipui hnuaia scheme kalpui mek hrang hrang pholanna PhotoExhibition a buatsaih thin angin thla leh October ni 3-7 chhungin Govt. Middle School, Zuangtui-ah Bharat Nirman Campaign leh National Rural Health Mission (NRHM) hnuaia hmalakna neih mek te Photo Exhibition a buatsaih dawn a. October ni 10-14 chhungin YMA Hall, Zemabawk-ah Photo Exhibition hi neih leh a ni ang.

Heng DAVP Photo Exhibition pahnih te hi mipuite hnenah sorkar laipui hnuaia ruahmanna hrang hrang leh mipui mimirte nunphung a khawih danglam dan te, hmasawnna hrang hrang hmuh mek te pholan nana tih a ni a. An hmalakna turah hian Zuangtui leh Zemabawk Village Council leh YMA te chuan an thlawp tha hle a ni tih DAVP thuchhuah chuan a tarlang.