Vawiin chawhma dar 11 :00 khan D.Cs Conference Hall, Saiha-ah Mizoram State Tobacco Control Society (MSTCS), Health & Family Welfare Department Government of Mizoram buatsaih in Zuk leh Hmuam that lohzia zirtirna " Awareness Programme" hman ani.
He programme hi Saiha District chhunga Sports Association hrang hrang hruaitute tan bika buatsaih niin Pu V.Lalengmawia S.D.O.(S), Saiha chuan a kaihruaia, Pu Kunal IAS, District Bawrhsap chu khuallian ani. Thusawiin khuallian chuan sports mite zuk leh hmuam thila kan fihlim a pawimawh zia leh zuk leh hmuam in kan chakna tha nasa taka tihchhiat thin thu a sawi a, district chhunga sports lama hruaitute chu zuk leh hmuam laka fihlim tum tur leh an naute pawh hetiang thil tilo tura zirtir turin a chah bawk ani. Pu Vabeirona Hlychho, District Co-ordinator, Mizoram State Tobacco Control Society, South Mizoram pawhin Saiha District chhunga zuk leh hmuam thatlohzia zirtirna kawng a hma an lakna chi hrang hrang te report a pek bakah zuk leh hmuam thatlohzia lantirna " Power Point Presentation " a nei nghal bawk ani. He hunah hian Saiha District chhunga Sport Decipline hrang hrang hruaitute leh infiammi te an tel ani.
