Vawiin khan Kolasib District Anti Tobacco Squad buatsaihin Diakkawn-a UD & PA Conference Hall-ah Auto Rikshaw Driver te pualin zuk leh hmuam that lohzia inzirtirna Workshop neih a ni a. He hun hi Dr. Jane Ralte, State Nodal Officer, Mizoram State Tobacco Control Society chuan a hmanpui.

Auto Rikshaw driver te hnenah hian thuchah leh zirtirna pein Dr. Jane chuan Driver te chu puipunna hmun luahtute an nih avangin zuk leh hmuam kawngah fimkhur turin a chah a. Lirthei khalh laia passenger te mei an zuk khum phei chuan dan anga chawitir hial theih an ni, a ti a. Dan hman mekte pawh lo zir chiang ve thin turin driver te chu a ngen a ni. Driver tehian zawhnate an zawtin chungte chu hrilhfiah nghal a ni bawk a ni.