Vawiin chawhma dar 11 : 00 khan Siaha Bazar Traffic Point-ah S.P. Siaha leh DTO Siaha te hmalakna in “27th Road Safety Week” hawnna inkhawm neih a ni. He “27th Road Safety Week” hawnna inkhawm hi Pu Francis Lalnuntluanga Ralte MPS, Additional S.P. chuan a kaihruaia, Pi Marilyn Rualzakhumthangi D.T.O. Siaha chuan 27th Road Safety Week hawnna thu sawiin Siaha District ah Lirthei  nei kan pung chho tawh a, hetih lai hian Dan zawm tha duhlo kan tam a ni tih a lanna chu kum kalta chhungah Lirthei khalhtu dan bawhchhiat avanga chawitir pawisa tlingkhawm Rs 1,24,600/- lai mai a ni hi a ni tiin kumin 2016 January thla chhung ah ringawt pawh Lirthei khalhtu Dan bawhchhiat avanga pawisa chawitir Rs 24,250/- a tling a ni a ti bawk. Lirthei khalhtu te chu mi nunna tam tak an kutah a awm a ni tih hria a Rui lo leh fimkhur taka lirthei te khalh turin a chah a, Siaha District chhungah Lirthei hrang hrang Taxi-26, Auto Rickshow-107, Maxi Cab-32 leh L.M.V. 92 te an awm thu a sawi a, Traffic Police mi 18 an awm thu  sawiin  vanneihthlak takin nikum 2015 chhung khan Siaha District ah Lirthei chetsualna vanga nunna chan an awm loh thu a sawi bawk.

He Road Safety Week 2016 hawnna ah hian Siaha District chhunga Commercial Vehicle hrang hrang neitu pawl inzawmkhawm pawl hruaitute bakah Chanchinbu mi te an tel kim hle a ni. Pu Bijoy Gurung D.S.P. Siaha chuan lawmthu sawina neiin he Road Safety Week hawnna hi a ti tawp a ni.