Mizoram pumpui ah Vaihlo Dona Ni 11th September ah hman thin ni in, hemi ni hi Mizoram District hrang hrang ah hman a ni. Lunglei District ah pawh Mizoram State Anti-Tobacco Day hi Civil Hospital OPD Complex ah hman a ni a, MSAD 2017 thupui atan “Tobacco Free Sports” (Vaihlo Tello Infiamna) tih thlan a ni.

Lunglei District Tobacco Control Cell, Nodal Officer Dr.S.R.Ngurchamliana’n programme kaihruai in vaihlo leh a kaihhnawih sim tura tan kan lak a tul zia a sawi.

Khuallian Pi.Lalzarmawii, IAS Deputy Commissioner Lunglei in vaihlo leh a kaihhnawih hriselna atan a pawi theih zia sawi in, infiammite leh a zirtirtute vaihlo laka an fihlim a pawimawh zia te, naupangte nih lai atanga vaihlo hman chhinloh puitlin hnu ah kan inveng thei a ni tih sawi in, Mizote hi hnamdang lak ah kan hmel a mawi lo hle a, tan kan lak a ngai a ni a ti bawk.

Lunglei khawpui chhung College hrang hrang ten COPTA dan (Cigarettes And Other Tobacco Products, Act, 2003) an zawm tha em tih enfiah na ah Higher And Technical Institute Mizoram, Lunglei (HATIM) chu COPTA dan zawm thaber ah thlan ni in chawimawina thuziak hlan an ni. 

Mizoram football player hlawhtling R.Lalrindika (Didika) pawhin thu sawi in ruihhlo leh vaihlo laka a naupan lai atanga inhnamhnawih a tum ngai loh thu te, zuk leh hmuam mai nilo taksa insawizawi, ei leh in uluk a pawimawh zia te, vaihlo hman hi infiamna leh ringtu nun nena a inhmeh loh zia te, nu leh pa te pawh in fate zirtir nasat a tul zia te leh sim duh te tan Civil Hospital OPD room no-11 ah pan theih reng a ni tih a sawi lang.