Vawiin chawhma dar 11 : 00 khan District Playground, Saiha-ah “Chapchar Kut-2015” chu ropui taka lawm ani. Kut hawnna hla Meisavaih MTP Branch ten an sak hnu-ah Kut Pa Pu RT Zachono CEM, MADC chuan Kut Puanzar a pawtparh in thuchah a sawi nghal a Mizoten kan Culture vawn nun zel a nih theih nana Kut kan hmang thin chu lawmawm a tih thu sawiin kan pi leh pu te kha lo neih a eizawng vek niin nitin Lo a feh thin an ni a,hei vang hian kumkhat chhunga intihhlim hun Kut hi uar takin an hmang thin ani ati bawk Kan Pi leh Pu ten ringtu an nih loh vanga serh leh sang chi hrang hrang hlauva an inthawi laiin tunah chuan Kristian ram vek kan ni tawh a, engmah hlauh tur a awm tawhlo hi a lawmawm takzet a ni a ti. 

Pu. C.Sangamanga chuan “Hlado” a chham hnu-ah hnamlam chi hrang hrang Mizoram Gurkha Youth Association (MGYA) Saiha, Young Lai Association Sub-Hqrs, Saiha, Joint Young Mizo Association leh College Veng MTP Branch ten an entir a, Saiha khawpui chhung School hrang hrang pariat atangin naupang ten pawnto hmuhnawm tak an entir a. Hnam incheina Costume Parade MCHP, MHIP,LWA leh MUP ten an entir a, programme karlakah zaithiam hrang hrang ten zaiin mipuite an awi reng bawk a ni.

Chapchar Kut 2015 Miss leh Mr. thlan chhuah a ni a, Miss Chapchar Kut atan H.Lalrinchhani 20yrs Saihatlangkawn chu thlan niin Mr Chapchar Kut atan Lalrimawia Sailo, 20 yrs Meisatla chu thlan chhuah a ni. Kut lawmna chi khat atan Mizote Infiamna “Insuknawr” neih niin Tv H.Laltanpuia chu pakhatna a ni. Lawmman chi hrag te hi Kut Pa leh Kutthlengtu ten an hlan a, Zavaia Chai hun hman anih hnu-ah Pi Marilyn Rualzakhumthangi SDO(S) Saiha chuan lawmthu sawina neiin Chapchar Kut lawmna hi a ti tawp ani.