Vawiin chawhnu dar 2:30Pm khan Pu RT Zachono, CEM, MADC chuan D.C. Office kawt atangin Sawrkar laipui Scheme pawimawh tak BETI BACHAO; BETI PADHAO ( BBBP) ( Saves the Girl Child) hnuaia Saiha District chhunga Thingtlang khaw hrang hranga Awareness Campaign neiha kaltur Team te a vai liam. He BBBP Scheme hi kumin January ni 20 a Prime Minister, Pu Narendra Modi in a atlangzarh kha a nia, India rama hmeichhia leh mipa nausen piang tamdan in thlauh zualna District Za (100) thlanchhuaha te kalpui mek a ni.

Pu R.T. Zachono chuan India ram hmun tam taka hmeichhe nausen hnualsuatna leh duhlona a awm thin a, Nu pumchhunga awmlai hmeichhe nausen te, a piang tawhte pawh India ram hmun tam taka tihlum an ni thin thute kan hriat thin thu sawilangin; he BBBP Scheme kalpui nana Saiha District an rawn thlan chhan erawh hi chu Hmeichhiate hnualsuat vang leh duhlo vang nih lovin kan IMR sang lutuk vang zawk a ni, a ti. He BBBP Scheme Thingtlang lama kalpui tur a nih hi remchanga la a, an kalna a pianga zuk leh hmuam thatlo ziahte, Faina pawimawhzia chungchangte pawh tlangaupui zel turin kaltur Team te chu a chah bawk.

He Scheme hi Ministry for Women & Child Development, Government of India hnuaia Programme a buatsaih a ni a, Saiha District chhungah hian Concern Official te leh hmeichhe tlawmngai pawl pathum, MCHP, MHIP leh LWA tanghoa kalpui tur a ni.