Zan hnih riaka Mizoram rawn tlawh, US Consulate, Kolkataa Consul General Craig L. Hall chuan nizan vek khan Chief Minister Pu Lal Thanhawla chu a chenna bungalowah a hmu a, Chief Minister hian Consul General pual hian zanriah a lo buatsaih a ni.

Craig L.Hall hian US leh India inlaichinnaah Mizoramin chanvo pawimawh tak a neihte Chief Minister hi a sawipui a ni.

Craig hian kum 1999 khan US Foreign Service zawmin, US Consul General hna a rawn zawm hma hian  a US Embassy, Jakarta, Indonesiaah Dy Political Counsellor hna a thawk a, Korea, Irag leh Australia ah te a awm tawh a ni.

Chief Minister nupui Pi Lal Riliani’n Consul General leh amah rawn tawiawmtu Economic Specialist Sangita Dey Chanda leh Cultural Affairs Specialist Sameek Ghosh te chu duhsakna thilpek a hlan bawk a ni.