Zan thum riaka Mizoram rawn tlawha lo zin, Prof. Ramesh Chand, Member, National Institution for Transformation of India (NITI) Aayog chuan nizan khan Chief Minister Pu Lal Thanhawla chu a chenna bungalowah hmuin inkawmna hun tha tak an nei.

Prof. Ramesh Chand hian Mizorama a lokal chhan te Chief Minister hi a hrilh a. Chief Minister chuan NITI Aayog member zahawm takin Mizoram a rawn tlawh chu lawmthu sawiin, NITI Aayog hnathawh leh kalphung erawh state sorkarin ala hriatchian tawk loh thu a hrilh a. Beiseina sang tak erawh a neih thu a sawi a ni.

Chief Minister hian Prof. Ramesh Chand leh amah rawn tawiawmtute chu duhsakna thilpek a hlan a ni.

Chief Minister hi Pu Lalram Thanga, PCCF & Principal Secretary in a tawiawm a, Prof Ramesh Chand hi Pu Jitendra Kumar, Adviser, Dr.J.P.Mishra, Adviser leh Pu A.Muralidharan, Dy Adviser ten an tawiawm bawk a ni.