Tukin zing dar 2AM-4AM inkara nasa taka thli tleh leh rial tla chuan Champhai District chhung khaw hrang hrangah chenna in chung 140 chuang a deng chhia a ni.

Hriat theih chinah N. Diltlang-ah inchung 40 vel rialin a deng chhia a. Kawlkulh Chhim Vengah chenna in 100 vel deng chhe bawkin Champhai Vengsang aj in 3, Kahrawtah in 2, Vengthlangah inchung 3 a deng pawp bawk a. Vapar khuaa an High School chung rangva chu thli in a len thla bawk ni.

Hmanni a Tualcheng khuaa rial tla in inchung a tihchhiat siamthat hna chu bialtu MLA Pu TT Zothansanga hmalakna a Rangva bundle 680 an dawnin hnatlang an nei chhunzawm zel niin, tunkar hian khuh zawh theih an in beisei thu khawtlang hruaitute chuan an sawi a ni.