Pu F.Kapsanga, Tuikual din tui pipe siamna F.K.Tuium Pipe Industry, Zuangtui chu vawiin tlai dar 3:00 khan Industries Minister Pu H.Rohluna’n a hawng.

Hawnna thu sawiin Minister chuan Mizoram chu hmun kilkhawra awm a nih avangin kan mamawh tam tak phai lam atanga chah chhuah a tul laia insatu te mamawh pipe siamna industry Pu F.Kapsanga ten an din thei chu lawmawm a tih thu a tarlang a, Mizoram tan mellung pawimawh tak a nih thu a sawi lang bawk. Ram changkang apiangin quality tha an ngaihpawimawh thu sawiin ISI quality tha pipe siamna din a ni chu Minister chuan lawmawm tiin hralh chhuah tlak bungrua/hmanrua siam turin quality uluk a pawimawh thu te a sawifiah bawk. Industry hmanga ram hmasawnna tura theihtawpa Sawrkar pawhin hma a lak chhoh zel thu te a sawi a, sum harsatna karah Zuangtui Industrial Estate chu siam changtlun zel niin kawng tha zawk siam tura hmalak mek a nih dan te a tarlang bawk.

F.K.Tuium Pipe Industry hawnna ah hian Parliamentary Secretary Pu K.S.Thanga leh sawrkar mi pawimawh thenkhat ten an telpui a ni.