Vawiin tlai khan Champhai DC Pu Vanlalngaihsaka, IAS hovin CMO Office, Champhai tualah Pseudoephedrine damdawi mum 10,88,340 hal ral a ni.

Heng damdawi mum hi kumin February ni 23, 2016 zan khan Champhai SDPO Pu Lalringliana Pachuau hovin DSP-te nen Tlangsam daiah V-Cold Tablet mum an man a ni a. He damdawi mum hi tunlai a 'khehpuam' an tih pseudoephedrine telna a ni a. February ni 25 khan Assistant Director (Food and Drugs), CMO Office kutah hlan niin, ani hian Court-ah Drugs & Cosmetics Acts, 1940 hnuaiah case a register a ni.

CMO Dr. C. Zirliana chuan report pe in, damdawi hi a maximum retail price-ah chuan Rs. 16,32,510 man hu a chhutchhuah niin, a khehpuam man phei chu damdawi MRP let hial ni thei tura rin a nih thu a sawi.

Damdawi man hi Court-ah tihchhiat phalna (destruction order) dil anih angin 22.04.2016 khan phalna pek a nih hnu in vawiin hian hal a ni ta ani.