DIRECTORATE OF INFORMATION & PUBLIC RELATIONS, Government of Mizoram, India

Vawiin chawhma dar 10:00AM khan D.C’s Conference Hall-ah “Cleanliness Week-2017” hawnna inkhawm neih a ni a. Pu VL Hruaizela Khiangte, Additional Deputy Commissioner, Siaha District chuan he Faina Hapta hawnna inkhawm hi kaihruaiin, Pu MH. Tiabi, EM( LAD) MADC leh Smt Harleen Kaur IAS, District Bawrhsap chuan Khuallian leh khualzahawm niin he Faina Hapta hawnna programme hi an hmanpui a ni.

Vawiin Faina Hapta hawnna inkhawma khuallian Pu MH Tiabi chuan thu sawiin, Prime Minister Pu Modi-a’n “duh duhna hmuna chil leh khak te chhak puat puat chung chuan Vande Mataram hla sak hi kan phu lo a ni” a tih ang deuh khan duh duhna hmuna bawlhlawh paih mai mai chung chuan “Kan zotlang ram nuam” hla hi kan sa ve ngam dawn em ni? a ti. Pu MH Tiabi chuan Faina tluantling leh kumhlun neih tur chuan Rilru lama faina kan neih hmasak phawt a ngai a ni, a ti bawk.

Vawiin Programme-ah hian Pi Harleen kaur IAS leh Pu T. Chatlua, SBBA pawhin Faina chungchangah thu sawina hun an hmang bawk a ni.

Cleanliness Week-2017 a lawmman hrang hrang dawngtute chu :-

1) Veng fai ber-ah : 1st Prize- ECM Vaih, 2nd Prize - Meisatla-I, 3rd Prize - Meisavaih West te an ni a.

2) Office fai ber -ah : 1st Prize - DRDA Office, 2nd Prize - PHE Office, 3rd Prize - District Jail te an ni.

3) School fai ber- ah : 1st Prize Govt. P/S, Meisavaih, 2nd Prize - Govt. P/S, Council vaih, 3rd Prize - Don Bosco School, New Colony te thlan an ni.

4) Best Editorial of Cleanliness ah : 1st Prize - The Times of Maraland, 2nd Prize - Moonlight, 3rd Prize - Maraland te chu thlan an ni bawk.

5) Cleanliest Eateries/Canteen/ Restaurant -ah : 1st Prize - Hudson Restaurant, New Colony, 2nd Prize - MYC Restaurant, New Siaha, 3rd Prize - South Gate Restaurant, Siaha Bazar te chu thlan an ni.

Vawiin a lawmman dawngtute hi Citation bakah pakhatna ten Rs. 2000/- theuh, pahnihna ten 1500/- theuh leh pathumna ten 500/- theuh an dawng bawk a ni.

Vawiin Faina Hapta Hawnna inkhawm hi Pu VL Hruaizela Khiangte, Addl. DC chuan lawmthu sawiin he hun hi a titawp a ni.

Attachment