Vawiin chawhma dar 11 leh 12 inkar khan India ram chanchinthar puangtu channel lar, NDTV in Faina huanga programme a buatsaihah Chief Minister Pu Lal Thanhawla chu Live a kawm a ni a. He hunah hian Mizoram in Faina a ngaih pawimawh dan leh faina kawnga hma a lak dan a sawi a ni.
NDTV in an kawmnaah Chief Minister Pu Lal Thanhawla chuan Mizo te chu 'Tlawmngaihna'  nunpuitu, "Kan nih avangin midang te tanpui duhna leh vantlang tana inpekna thuk nei sa in vantlang tan, milian leh mite zawng zawng telna - 'Hnatlang'kan thawk thin", a ti a. "Faina Hapta leh Faina kawnga hmalakna hrang hrang tun hma atangin sawrkar leh khawtlang angin thawh a ni tawh a. Chuvangin tuna Prime Minister hmalakna, Swacchta Hi Seva Campaign pawh a Mizoram aia hrechiang an awm kher lovang. Theihtawp chhuahzel kan tuma, nakin lawkah chuan state thaber ni turin beiseina kan nei a ni", a ti.
12 hours live discussion - NDTV  Cleanathon Season 4 hi NDTV Network hnuaia Channel zawng zawngah Live a pek chhuah a ni a.  Senior Anchor Vikram Chandra in a NDTV Studio ah host a; Special Guest angin Filmstar lar Amitabh Bachchan, Cleanathon Brand Ambassador chuan thutpuiin Prime Minister Pu Narendra Modi, Chief Minister te leh milar te nen Faina kawnga hmalakna chungchang an sawi ho a ni.

Attachment

  • Loading attachment...