Vawiin khan Aijal Club-ah Ram pum huap faina campaign “Swachhata Hi Seva” kharna hun hman a ni a. He hunah hian Pu V. Lalremthanga IAS, Secretary, PHE Department chu khuallian a ni a,  Aizawl DC Dr. A Muthamma pawhin hun a hmanpui a ni. 

Chairman Swachh Bharat Mission(Gramin) Aizawl District leh Aizawl DC nibawk Dr.A. Muthamma , chuan thu sawiin Swachhata Hi Seva campaign chhunga VC , BDO leh mipuite hmalakna chu ropui a tih thu sawiin he program piah lamah an khua theuhah faina beihpui ngawrh taka kalpui zel turin a chah a. Faina(sanitation)  leh hriselna a that chuan hmasawnna tura project hrang hrangte awmze nei zawkin a kalpui theih dawn a ni, a ti a. Dr A. Muthamma chuan Aizawl District Open Defecation Free-a puan ani chu lawmawm a tih thu sawiin mipuiten tui thianghlim intur an neih theuh theihna tura hmalak leh faina leh hriselna kawnga inzirtirna kalpui zel chu a pawimawh a ti.

Khuallian Pu V. Lalremthanga IAS chuan faina lama awareness sang zel chu lawmawm a tih thu a sawi a. Swachhata Hi Seva campaign  khar anih avangin  faina beihpui a tawp ta tihna a nilo tiin faina leh hriselna kawngah theihtawp chhuaha chawl lova mimal faina (personal hygiene) lam pawh uar taka kalpui a tul thu a sawi a ni.

He hunah hian Swachhata Hi Seva campaign September ni 15 atanga October ni 2  chhunga khaw fai thlanna neih chu result puan niin lawmman sem nghal a ni a. Lawmman pakhatna hian sumfai cheng 10,000 leh certificate a  keng tel a, lawmman pahnihna in cheng  6000 leh certificate, lawmman pathumna in cheng  4000 leh certificate a keng tel bawk a ni. Aizawl District RD Block tina lawmman dawngtute chu-

Swachh Sankalp se Swachh Siddhi hnuaia faina chungchanga essay ziah leh short film siam intihsiakna lawmman sem a ni bawk a. Aizawl District leh State Level-a short film siam leh essay ziah intihsiakah hian lawmman pakhatna atanga pathumna  siam niin sumfai leh certificate pek theuh an ni. 

He hunah hian School faina(sanitation) lama ti thate chawimawina Swachh Vidyalaya Puraskar 2016 lawmman (State leh District level) sem nghal a ni a. Swachh Vidyalaya Puraskar 2016, state level award dawngtute chu :

1)      Govt. Zotlang High School

2)      Govt. ITI Middle School

3)      Govt. Maubawk High School

4)      Govt. Nepali Primary School, Bawngkawn

5)       Govt. Durtlang Primary School-I

Swachhata Hi Seva kharna hun inkhawmah hian Er. Lalsanga E.E, PHED & Member Secretary, SBM (G) chuan presentation pe in Aizawl District-a Swachh Bharat Mission hnuaia hlawhtlinna leh hmalakna hrang hrangte a tarlang a. PHED Engineer-in-Chief, Er. Lalmuanzova chuan lawmthu sawina in hun a khar a ni.

Aizawl District chu Swachh Darpan ranking India ram puma Swachh Bharat Mission hnuaia district titha zual tarlannaah 89.75 points hmu in pasarihna a ni mek a ni.