Vawiin 1st August hian Joint Village Council, Mamit huaihawtin I&PR Conference Hall, Mamit ah Mamit khawpui chhung Field leh Luangpawl inkar kawng zauh chungchangah Consultative Meetingneih a ni.

He inrawnkhawmna hunah hian helai kawng zauh tur in a paltlang tur Department hrang hrangten an ngaihdan te sawiin mipui vantlang thatna tur anih avangin harsatna a awm loh tur thu an sawi a, chumi rual chuan kawng zauh in a nghawng/thihchhiat dan tur te uluk zawka Committee te nena enho nise tih te sawiho a ni bawk.

Helai kawngpui hi Aizawl atanga Mamit khahwpui luhna kawtchhuah a nih avangin zauh a tul hle tih hria in hetiang ruahmanna hi siam niin, highway lam hotute hnenah a rang lam a thlen nise tih te sawiho a ni bawk.

He inrawnkhawmna Pu P.C. Lalthanzuala, President Joint V/C kaihhruaiah hian Mamit khawpui chhunga V/c members te leh Department hrang hrang, Agriculture, Health & Family Welfare, Environment & Forests, Public Works Department, Revenue, DRDA, I&PR leh Highway lam hotute an tel a ni.