Nimin khan DC Conference Hall Mamit-ah Pi Lalbiaksangi District Bawrhsap hovin District Level Commitee on Swachh Bharat Mission (Gramin) thutkhawm a ni a, Mamit District chhunga khaw hrang hrang a inthiarna pangai tak chhungtin ten an neih dan tur leh kawlaia daikal awm lohna (ODF) District ni tura hmalak dan tur rel a ni.

Meeting ah hian kumin 2th October chhung hian Mamit District chu zun leh ek thlahdah awm lohna District a puan hman ngei tura hmalak dan tur sawiho niin PHE Mamit Watsan Division, DRDA Mamit leh Block pathum te thawhho dan tur duan a ni.Khaw hrang hrang a ekin sak dan tur leh ekin nei lo chhungkua te survey neih a, a daihzai thei ang bera hmalak nise tih a ni.

Meeting ah hian Addl.DC, EE PHED Mamit, Project Director DRDA, BDO pathumte bakah Official thahnem tak an tel a ni.