Vawiin khan India ram pum huapa Socio-Economic & Caste Census 2011 beihpui thlakna tur atana ni hnih awh tur ‘Training of Master Trainers’ chu DRDA, Aizawl Conference Hall ah neih tan a ni a, training hi Pu K. Riachho, Secretary, Rural Development Department in hawngin hetiang taka Socio-Economic & Caste Census buatsaih hi a vawi khatna tur a nih thu leh dik tak leh felfai taka kalpui a pawimawh zia te leh tha tak leh a hun taka zawh anih theih nana tan la theuh turin Master Trainer  thlanchhuah te chu a fuih.

Training Programme hi Pi Ramdinliani, Joint Director, Rural Development Department leh Nodal Officer ni bawkin a kaihruai a, Master Trainer atana ruat Assistant Project Officer leh Addl. Programme Officer 25 an tel a, National Trainer Pu Lalbuanga Sailo leh Pu Rajiv Sinha, Directorate of Census, Dr. James LT Thanga leh Dr. Lalnilawma, Mizoram University ten training hi an pe a ni. Socio-Economic Census hi October 10, 2011 a tan tum a ni.

Socio-Economic % Caste Census hi thlur hnih a kalpui tur a ni a. Mizoram a Notified Town 23 ah te chuan Urban Development & Poverty Alleviation Department in chhiarpui hi a nei ang a, a bak zawng Rural Development Department in a hma thung ang. State Level a khaikhawmtu Nodal Department chu General Administration Department a ni. He chhiarpui hau tak tak buatsaih hna hi hun chep tak karah chak taka kalpui mek a ni a, November thla chhunga zawh tum a ni.