Mizoland Finance Service a pawisa dah tuten an pawisa an lak chhuah theih loh avanga sorkar-ah Complaint an thehluh chu sorkar-in a enfiah a. Mizoland Finance Service chuan 5.9.2011 khan an thiam thu sawina lehkha an siam a, depositor te hnenah Teak Plantation LSC No. 5/04 leh pawisa an pek thu an sawi a. He an in sawifiahna lehkha hi ni 23.9.2011 dar 11:00 am ah enfiah tur a ni a. A enfiahna hmun chu Finance Secretary, Government of Mizoram Office Chamber Room No. 215, New Secretariat Khatla, Aizawl a ni.
He hunah hian a tul anga thu zawhfiah theih tura kal ngei turin depositor-te leh Mizoland Finance Service hotute chu hriattir an ni a. Midang hemi chungchanga sawi duh neite pawh he hunah hian kal theih a ni ang. Hemi huna sawifiah ngaite sawi tura kal lo te chu sawi tur nei lova ngaih an ni ang.
