Tukin zing dar 7:00 khan ‘East Lungdar YMA Run’ah National Voters’ Day hman a ni a, Pi C. Laltleipuii, MCS, BDO, East Lungdar chuan khuallian niin a hmanpui.
He hunah hian Pi Tleipuii chuan kalkhawmte National Voters’ Day chibai bukna hlanin India khua leh tui diktak te chuan an zahawmna vawnghim a, vote thlak theuh thin turin leh mahni zalenna hmanga mahni duh ang zawng ngei vote thin theuh turin a chah a, Vote nei thar te pawh an mawhphurhna hria a phur tak leh tha tho taka an dikna chanvo te hmang turin a fuih a ni. National Voters’ Day hi January ni 25 anih thu leh, he ni hi Pathianni anih vangin Mizoram bikah chuan Election Commission of India phalna a Inrinni a hman anih zawk thu a sawifiah bawk.
East Lungdara National Voters’ Day puala inkhawm hi Pu R.Chalhmingthanga, BLO, E.Lungdar-II in a kaihruai a, Vote nei tharte bakah khawtlang hruaitute, Tlawmngai Pawl hrang hrang hruaitute, BLO te leh khawtlang mipui te kalkhawm in, vote neither mi 60 te hnenah EPIC sem a ni a, kalkhawm ten Inthlanna muanawm leh zahawm vawnghim zel tur leh mahni duh ang ngei a huaisen taka vote thlak turin intiamna thuthlung an chham a ni.
