5th National Voters Day-2015 chu vawiin chawhma dar 10:30Am khan DC’s Conference Hall, Saiha ah hlawhtling taka hman a ni.

He Ni hmanna inkhawm hi Pu HD Lalpekmawia, Election Officer, Saiha chuan a kaihruaia, Pu Beila Khithie, Addl. DC leh ERO nibawk chu khuallian a ni. Pu Lalremruata Sailo, SDC leh AERO nibawk chuan thu sawiin BLO te leh Political Party hrang hrang te hnenah an tawiawmna avangin lawmthu a sawia, Election Commision of India ina Voters te a ngaihpawimawh dan te leh mipuite intlukna ber chu Vote neih a hian a ni ati bawk. Khuallian Pu Beila Khithie chuan thu sawiin India ram chu khawvela Democracy ram ropui ber te zinga mi a nia, hetiang rama kan awm hi kan vanneih hle a ni, ram changkang tak tak te pawhin keini ang hian an zalen lo a ni ati bawk.

Khuallian chuan BLO zawng zawng te hnena lawmthu sawiin an thawhrimna chu ropui atih thu leh fak an phu a ni ati bawk. Khuallian hian BLO hnathawk tha te hnenah lawmman a hlan nghal a ni. Pu Andy Lalfakzuala Varte, SDC, Saiha chuan Electoral Photo Identity Card (EPIC) nei thar te hnenah EPIC hi a hlan nghal a ni. He ni hmanna ah hian Vengtin B.L.O te, Political Party hrang hrang aiawh te, Vote nei thar te leh Chanchin thar thehdarh tute an tel tha hle a ni.