Tukin zing dar 7 : 00 am khan Saiha Bazar Traffic Point a neih a ni. He Faina Hapta Hawnna inkhawm tawi hi Pi Marilyn Rualzakhumthangi, SDO(S), Saiha chuan a kaihhruai a,Pi Chaki, President, MCHP( Mara Chanô Py – Mara Hmeichhe Pawl ) leh Dr Lalnunziri, M.O. chuan “Hriselna leh Faina” tih thupuiah hmangin thu sawina hun an hmang a ni.

Pi Chaki chuan In leh lo tha, Incheina man to leh tha tak te leh Lirthei changkang leh manto tak te neihin ,hmang thin mah ila kan Fai silo chuan kan lang mawilo mai nih lovin; kan lang thing zawk thin a ni, a ti. Sawi zelin Pi Chaki chuan faina tluantlin leh tlo chu rilru chhungril atanga a chhuah a ngai a ni, a ti bawk.Dr Lalnunziri, M.O. pawhin Saiha Districta IMR sang lutuk leh kan Faina hian inkungkaina thuk tak a neih ngei a rinthu sawilangin, kan taksa Faina chauh ni lovin kan khawlai, kan in leh lo leh a vel te, vawnfaina kawngah Saiha mipuite chuan tan la zual sauh ila, MIR sangber District nih tawh lovin District Fai ber, District dangte entawntlak kan nih thei a ni, a ti. He Faina Hapta Hawnna inkhawm tawi hmanna-ah hian Pu Dokulha, Manager, DIC, St. Zaduna, DEO leh Pi Lalawii, MHIP Office Bearer te chuan thu sawina hun tawi an hmanga, mipui kalkhawmte chuan Saiha Bazar Traffick Point atanga New Colony Bus Station thleng khawlai thenfaina hun an hmang nghal bawk a ni.

He Faina Hapta Hawnna inkhawm ah hian Head of Office te, NGOs hrang hrang hruaitute, Zirlai te, Chanchinbu mite leh sawm bik te an tel kim hle a ni.