Tunlai hian China ramah Bird Flu (Avian Influenza) a leng mek a. Nipui laia leng thin Vawk natna (PRRS) pawh leng leh maithei dinhmuna ding ni a hriat a ni a. Heng hri laka Mamit District mipuite kan him theihna turin Pu H.Lianzela, MCS, Addl. District Magistrate, Mamit District chuan Ni 24th May, 2017 khan Sec. 144 Cr. PC, 1973 in thuneihna a pek angin a hnuai ami ang hian thupek a chhuah a ni.
“Mizoram pawn atanga lo kal Ar leh Vawk Mamit District huam chhungah lakluh khap tlat a ni”
Thupek hian thu leh awm hma chu puan a nih atanga thla hnih (2) chhung a huam ang.
He thupek zawm lote chu Sec. 188 of IPC hmanga hrem a ni ang.
